बाजार समितीच्या बाजार आवारातील वेगवेगळे बाजार घटक जसे अडते, व्यापारी, मापाडी, हमाल, वाहतुकदार, खरेदीदार इ. घटकांना नवीन अनुज्ञप्ती देणे व नुतनीकरण करणे व बाजार समितीची रचना व उपविधी बाबतची लेखापाल हे सदर विभागाचे प्रमुख असून ऐक पर्यवेक्षक व दोन कनिष्ठ लिपिक यांच्यामार्फत सदर विभागाचे कामकाज पहिले जाते

बाजार समितीच्या मालकीच्या सर्व मालमत्ता, दीर्घ मुदतीच्या लीजवर, भाडयाने देणे, तसेच मालमत्तांचे हस्तांतरण इ. बाबी या विभागाकडून पाहिल्या जाते. पर्यवेक्षक या विभागाचे प्रमुख असून दोन कनिष्ठ लिपिक व एक सहाय्यक असून त्यांच्याद्वारे या विभागाचे कामकाज पाहिले जाते

बाजार समितीचे अधिकारी व कर्मचारी यांचे आस्थापना विषयक बाबी तसेच बाजार समितीच्या सभा, वाहन व्यवस्था इ. कामे लेखापाल पाहतात.

बाजार समितीतील आर्थिक बाबीविषयीचे सर्व कामकाज लेखाशाखेमार्फत पार पाडले जाते यामध्ये वेतन, सर्व देयके प्रदान करणे, बाजार समितीची अर्थिक पत्रके तयार करणे, अंदाज पत्रके तयार करणे इत्यादींचा समावेश होतो. लेखापाल हे सदर विभागाचे प्रमुख असून. सांख्यिकी त्यांना मदतीस म्हणुन आहे. या विभागाची संपूर्ण जबाबदारी लेखापालयांच्या कडे आहे.

बाजार समितीस येथे असलेल्या थकीत रक्कमांच्या वसुलीचे, आयात-निर्यात तसेच दैनंदिन बाजारभाव जमा व प्रसारीत करणे ही कामे सदर विभागाकडून पाहिली जातात, मुख्यालय तसेच उपबाजार येथील निरीक्षक यांच्याकडे वसुली विभागाची जबाबदारी असून याबाबतचे संपूर्ण कामकाज त्यांच्यामार्फत पार पाडले जातात.

बाजार समितीच्या बाजार आवारातील आवक नोंद करणे, आकारणी पत्रके तयार करणे, कर्मचारी वेतन इ. बाबी साठी बाजार समितीकडून संगणक प्रणाली विकसित करण्यात आलेली असून सदर संगणक प्रणालीचे व्यवस्थापन व बाजार समितीच्या मालकीचे संगणक प्रिंटर इ. ची दुरुस्ती व देखभाल हे काम सदर विभागाकडून पाहिले जाते. संगणक साहित्य देखभाली करीत खासगी सेवा पुरवठादार अभियांत्रिकाचे सेवा घेतली जाते.